Важни настани за слободниот софтвер во Република Македонија

Од Сподели wiki
Прејди на прегледникот Прејди на пребарувањето

Овој документ содржи датуми на поважните настани кои се повразни со Слободен софтвер Македонија, заедницата на корисници на слободен софтвер во Република Македонија и слични/поврзани активности. Ако знаете нешто плус или забележите дека некаде има грешка, додајте ги тие информации.

1999 година

Февруари 1999

Иван Стојмиров со мала група на луѓе од #makhack @ Undernet го пушта во употреба l33n0x.org потоа linuxmk.org, денешен http://www.linux.net.mk, првиот македонски веб сајт посветен на GNU/Linux, со некои основни упатства за работa со GNU/Linux напишани на латиница. :)

2000 година

05 јули 2000 година

Се појавува првата верзија на некогашната страница mksoftver.org. Тоа беше второто македонско веб место на кое се пишуваше за слободен софтвер и GNU/Linux.

2001 година

01 мај 2001 година

Се појави нова, за прв пат динамичка, верзија на mksoftver.org.

2002 година

07 јули 2002 година

Првиот состанок во Градскиот парк во Скопје. Присуствуваа повеќе луѓе, меѓу кои Иван Стојмиров, Арангел Ангов, Новица Наков, Златко Трајчески, Благоја Ѓаковски, Дарко Стојчев, Дамјан Георгиевски и Георги Станојевски.

09 јули 2002 година

Два дена подоцна, на тогашниот сервер на http://www.linux.net.mk почна да работи првата поштенска листа. Листата го носеше името [LUG] и беше достапна на lists.linux.net.mk/mailman/listinfo/lug.

07 септември 2002 година

На конференцијата ExpoCom, David Sugar од Free Software Foundation го одржа првиот јавен говор за слободен софтвер во Р. Македонија.

16 септември 2002 година

Во порака до листата [LUG] Арангел Ангов испраќа алфа верзија на статутот на организацијата за која тој предлага таа да го носи името „Слободен софтвер Македонија“.

21 септември 2002 година

Своето искуство за движењето за слободен софтвер во Р. Македонија David Sugar го раскажува за Linux Journal: http://www.linuxjournal.com/article/6336.

28 октомври 2002 година

Се одржа основачкото собрание на Слободен софтвер Македонија. Собранието се одржа во тогашниот „Пингвин Паб“ карши автобуската станица „Рекорд“ во Скопје. Присутни беа 15 основачи. Беше изгласан првиот статут на организацијата и првото раководство. За претседател беше избран Иван Стојмиров. Во управниот одбор членуваа уште и: Александар Ников, Арангел Ангов, Васко Митанов, Дамјан Георгиевски, Дарко Стојчев и Игор Петрески.

12 ноември 2002 година

Златко Трајчески ја направи конечната верзија на логото на „Слободен софтвер Македонија“ по идеја на Новица Наков. Логото е гулаб кој во средина има единици и нули наредени во круг. Гулабот ја означува слободата, единиците и нулите го означува софтверот, а кругот го означува сонцето, така - Слободен софтвер Македонија.

28 ноември 2002 година

Во регистарот на здруженија на граѓани и фондации под Рег.Бр. 1436 се запишува здружението на граѓани Слободен софтвер Македонија.

Здружението на граѓани стекнува својство на правно лице и може да започне со работа.

14-15 декември 2002 година

Се одржа првиот преведувачки маратон во организација на Слободен софтвер Македонија. Крајниот резултат беше целосно локализиран OpenOffice.org верзија 1.0 со што компјутерските корисници во Р. Македонија за прв пат добија канцелариски пакет на македонски јазик кој може да се користи на било кој оперативен систем. Повеќе информации има на: http://www.slobodensoftver.org.mk/maraton/.

Веројатна медиумска референца од тоа време: http://star.dnevnik.com.mk/default.aspx?pbroj=2028&stID=11644

ПРОГРАМЕРСКИ МАРАТОН ВО СКОПЈЕ
Триесет и шест часа преведување софтвер на македонски јазик

Триесетина члена на невладината организација "Слободен софтвер -Македонија", 
викендов во редакцијата на компјутерското списание "ПЦ инфо", 
почна 36-часовна маратонска локализација на софтверски продукти.

Целта на овој "новогодишен подарок" е да се преведат моќни софтверски 
пакети на македонски јазик, кои ќе им бидат понудени бесплатно на сите 
заинтересирани корисници.

Со ваквите софтверски програми во сите институции, компании или 
поединци ќе можат бесплатно да ги користат пакетите и во иднина 
нема да има потреба да се купуваат од прескапите софтверски пакети, 
кои патем, се главно на странски јазици. Со ваков софтвер на македонски 
јазик и обуката за работа на компјутери ќе трае побрзо и поефикасно.


Марија Димовска

2003 година

6 февруари 2003

mksoftver.org беше преместен на http://softver.org.mk.

5 април 2003 година

Лансирана е нова веб страница на Слободен софтвер Македонија. Софтверот за страницата во PHP го напиша Георги Станојевски.

13 април 2003 година

Новица Наков го изработи памфлетот „Слободата и Ти“ кој се најде корисен за многу настани кои ги организираше заедницата. Текстот во најголема мера е базиран на еден подолг текст кој Новица Наков и Дамјан Георгиевски претходно го објавија во списанието „Маргина“.

17-18 април 2003 година

На саемот Инфоком Слободен софтвер Македонија бесплатно дистрибуираше 500 дискови со OpenOffice.org преведен на македонски јазик и памфлети за слободен софтвер. Ристе Пејов одржа две презетнации за локализираниот слободен канцелариски пакет.

18 април 2003 година

Се емитуваше првата емисија за слободен софтвер на Македонското радио. За жал серијалот што требаше да се емитува секој петок траеше само неколку недели.

28 април 2003 година

Веројатно за прв пат на телевизиските канали, во емисијата Хоризонт на А1 телевизија, имаше дел посветен на слободниот софтвер.

8 мај 2003 година

Во хуманитарниот дом „Даре Џамбаз“ се одржа промоција на хрватскиот Говорен Линукс за слепи. За него говореше Данко Ботурац. Ристе Пејов од Слободен софтвер Македонија говореше за слободниот софтвер.

17 мај 2003 година

Слободен софтвер Македонија за прв пат го напушта Скопје. Во Гимназијата „Мирче Ацев“ во Прилеп се одржува презентација за слободен софтвер и Linux.

14–15 јуни 2003 година

Во просториите на Акцент компјутери се одржа вториот преведувачки маратон во организација на Слободен софтвер Македонија. Се преведуваа околините за десктоп KDE и GNOME. Најдобрите пет преведувачи како награда добија маици.

2 септември 2003 година

Летото донесе полно новости во врска со активностите на Владата на Р. Македонија за потпишување на стратешко партнерство со корпорацијата Мајкрософт. Слободен софтвер Македонија на овој ден испрати соопштение до јавнсота со цел да информира за штетноста на еден ексклузивен стратешки договор со Мајкрософт. Соопштението беше испратено до сите медиуми. Неговиот одзив во јавноста беше скоро никаков. Делови од текстот се појавија само во неделникот „Капитал“.

4 септември 2003 година

На апелот за помош во врска со можниот договор со Мајкрософт испратен до меѓународната заедница за слободен софтвер се одзва Џон Хол, претседателот на Linux international. Писмото од Џон Хол стигна во Македонија на овој ден и истото беше испратено до Претседателот на Републиката, до Претседателот на Собранието, до пратеничките групи, и до Владата на Република Македонија

14 октомври 2003 година

Во јавноста се појави писмото на намери кое го потпишаа Владата на Р. Македонија и Мајкрософт.

25 октомври 2003 година

Поради технички проблеми затворена беше поштенската листа [LUG]. Нејзините архиви сега живеат само на некои домашни дискови. Отворена беше листата [ossm-members] која постои и денес. Достапна е тука: http://hedona.on.net.mk/mailman/listinfo/ossm-members.

27 октомври 2003 година

Првите XPI-ја за Mozilla Firebird и Thunderbird на македонски се појавија на Интернет. http://hedona.on.net.mk/pipermail/ossm-members/2003-October/000013.html

3 ноември 2003 година

Објавени беа првите стабилни преводи на пресистувачот Mozilla Firebird и клиентот за е-пошта Mozilla Thunderbird. По двата маратони и локализацијата на овие две апликации, корисниците на компјутери во Р. Македонија за прв пат можеа да користат оперативен систем на скоро целосно на македонски јазик.

Ристе Пејов го објави MKConvert0.2, макро за OpenOffice.org кое овозможува конверзија на документи од YUSCII во македонска кирилица.

14-16 ноември 2003 година

Во Охрид, во организација на Метаморфозис, се одржа работилницата на тема „Новинарите и предизвиците што ги носи информатичкото општество“.

Таму како претставник на Слободен софтвер Македонија презентација со наслов „Концептот на слободен софтвер и Македонија“ одржа Данко Илиќ.

28 ноември 2003 година

Иван Стојмиров, Дамјан Георгиевски и Новица Наков како претставници на Слободен софтвер Македонија за прв пат ја посетија Владата на Р. Македонија. На средбата со вице-премиерката Радмила Шекеринска тие ги претставија добрите страни на слободниот софтвер и се обидоа да ја убедат Владата да не потпишува стратешко партнерсво со Мајкрософт.

3 декември 2003 година

Владата на Р. Македонија потпиша стратешко партнерство со Мајкросфт. Поголемиот дел од настаните поврзани со договорот се документирани во текст на Новица Наков достапен тука: http://novica.softver.org.mk/sites/default/files/softverska_nevinost.html.

2004 година

2 февруари 2004 година

Слободен софтвер Македонија го објави почетокот на проектот „Малина“. Цел беше изработка на слободен оперативен систем кој ќе доаѓа на едно CD и ќе биде целосно на македонски јазик. Подоцна проектот беше откажан бидејќи се појавија поедноставни начини за постигнување на истата цел - Убунту.

15 март 2004 година

Се формираше првата група на корисници на GNU/Linux од Македонија, конкретно од Битола - Лугола. Објавата е тука: http://hedona.on.net.mk/pipermail/ossm-members/2004-March/000906.html.

25 март 2004 година

Антикорупциската комисија на Р. Македонија оцени дека договорот кој Владата го потпиша со Мајкрософт ефективно и директно да се создава уште еден монопол во Македонија: http://www.a1.com.mk/vesti/vest.asp?VestID=30295.

17 април 2004 година

Се одржа фудбалска пресметка помеѓу корисниците на KDE и GNOME во Скопје. Резултатот беше KDE 5:3 GNOME. :)

15-16 мај 2004 година

Во просториите на собранието на Град Скопје се одржа првиот фестивал за инсталирање и режење на GNU/Linux.

3 јуни 2004 година

Слободен софтвер Македонја ја поплави со слободен софтвер втората конференција на Мајкрософт - „Визија“. http://www.slobodensoftver.org.mk/freesoftwareflood/

15 јуни 2004 година

Првпат претставник од Лугола излезе на Телевизија (ТВ Тера) и зборуваше за штетноста на договорот помеѓу Microsoft & Реплубика Македонија. Врска до објавата на поштенската листа

28 август 2004 година

Се одржа првиот ден на слободен софтвер во Скопје. Во градскиот парк и на плоштадот беа поделени околу 500 дискови со слободен софтвер.

23 септември 2004 година

Прославен е првиот ден на слободен софтвер на Битола, иако точниот датум е на 21 септември, поради координација со останатите прославата се случи тогаш. Овој настан беше една од помасовните промоции на Лугола и прв настан организиран од групата.

23 - 24 октомври 2004 година

Група на членови на Слободен софтвер Македонија присуствуваа на конференцијата OpenFest во Софија, Република Бугарија. На конференцијата беа остварени неформални средби со активистите од Бугарија, а Златко Трајчески одржа презентација на активностите на Слободен софтвер Македонија.

2005 година

26 јануари 2005 година

На овој ден почна акцијата за дистрибуирање на 1000 Убунту дискови низ Македонија. Акцијата „Убунту за Македонија“ траеше неколку дена - дисковите летаа како алва.

23-24 април 2005 година

На Електротехничкиот факултет во Скопје Слободен софтвер Македонија го организираше вториот инсталационен фестивал: http://www.slobodensoftver.org.mk/installfest/2005/

16 јуни 2005 година

На седница на Владата на Република Македонија беше усвоена Националната стратегија за развој на информатичко општество. Лобирањето на Слободен софтвер Македонија овој пат вроди со плод. Во обемниот документ има место за слободниот софтвер, платформската неутралност и отворените стандарди.


11 септември 2005

Одржан денот на слободниот софтвер во Скопје.

16-19 септември 2005 година

Се одржа третиот преведувачки маратон. Целта беше преведување на OpenOffice.org верзија 2.0. Маратонот го организираа Слободен софтвер Македонија и фондацијата Метаморфозис. Крајниот резултат беше целосно локализиран графички интерфејс на OpenOffice.org верзија 2.0, како и дел од помошта. Во текот на наредните неколку месеци беше направен темелен преглед и лектура, така што се доби навистина квалитетен превод. Повеќе информации има на: http://www.slobodensoftver.org.mk/maraton2005/.

22 септември 2005 година

Собранието на Слободен софтвер Македонија изгласа нов статут на организацијата и избра ново раководство. Статутот беше променет со цел организацијата институционално да се зајакне и да се приближи до Европската фондација за слободен софтвер. Во новиот управен одбор членуваат: Новица Наков, Дамјан Георгиевски и Арангел Ангов.

декември 2005 година

Лугола во текот на овој месец организира масовни презентации за средношколци. Опфатени се 2 основни и 3 средни училишта. Активноста е наречена „Браво Лугола“. На настанот присуствуваа огромен број посетители.

2 декември 2005 година

Текстот на Арангел Ангов за инсталирањето на Убунту во македонските училишта се појави во GnomeJournal: http://www.gnomejournal.org/article/33/macedonia-deploys-5000-gnome-in-public-schools и веднаш потоа и на Slashdot. И покрај големите надежи и желби, овие инсталации немаа долг век на траење во училиштата.

7 декември 2005 година

На саемот за НВО своја презентација имаше Слободен софтвер Македонија. Темата беше „ИКТ за поефикасни локални самоуправи“, а Новица Наков зборуваше за предностите на слободниот софтвер.

16 декември 2005 година

Слободен софтвер Македонија се огласи до јавноста и до надлежните институции за клиентскиот софтвер за месечни пријави за придонеси за плати од ФПИОМ. Софтверот кој законски задолжително мора да се користи за електронска достава на придонесите, ги принудува обврзниците да користат оперативен систем од еден понудувач. Така, софтверот на ФПИОМ ги игнорира заложбите на Националната стратегија за информатичко општество.

Ниедна надлежна институција не одговори на дописите кои ги доби до Слободен софтвер Македонија.

2006 година

26 февруари 2006 година

Лугола ја реализира активноста „Не го убивај мојот пријател“ преку кој имаше обид да се вратат деинсталираните GNU/Linux дистрибуции во средните училишта во градов. Лугола испрати писма до професорите по Информатика во училиштата каде што имаше информации дека е отстранет Ubuntu Linux.

27 март 2006 година

Повеќе месечната соработка помеѓу Слободен софтвер Македонија и Метаморфозис беше финализирана со издавањето на македонска верзија на TheOpenCD. Дискот „Заврши си работа“ содржеше слободен софтвер кој беше преведен од заедницата на корисници на слободен софтвер во Р. Македонија.

7 април 2006 година

Започнува со работа Вики за слободен софтвер, место кое треба да биде главен извор на знаење за корисниците на слободен софтвер од Македонија.

15-16 април 2006 година

Се одржа третиот инсталационен фестивал во организација на Слободен софтвер Македонија. Овој пат тоа беше дводневен настан на кој покрај инсталирање софтвер имаше и работилници и предавања. Местото на одржување беше некогашната Народна техника во Карпош 3, Скопје. http://www.slobodensoftver.org.mk/installfest/

28-30 април 2006 година

Се одржа маратон за локализација на работната околина KDE во Битола, организиран од Лугола. На маратонот беа локализирани околу 21.000 низи.

25 јули 2006 година

Слободен софтвер Македонија доби покана да учествува на проектот на UNDP Македонија насловен „Support to e-Governance initiatives based on Free/Open Source Software at the local level in FYR Macedonia“. Организацијата испрати работни препораки до UNDP Македонија: http://www.slobodensoftver.org.mk/vesti/rabotni_preporaki_do_undp.

1-30 септември 2006 година

Лугола го реализира проектот „Септември 2006 - месец на GNU/Linux во Битола“, заедно со фирми и лица блиски на групата. Како дел од многуте активности низ целиот септември се одржаа презентации, предавања, инсталациони фестивали, како и прослава на Денот на слободен софтвер на Битола - 21 септември, каде учество зедоа личности од Битола и гости од други градови.

25-26 октомври 2006 година

Слободен софтвер Македонија организираше меѓународна работилница за слободен софтвер во владата и образованието на Р. Македонија. Гостите беа од соседна Р. Албанија. Повеќе на http://www.slobodensoftver.org.mk/workshop/.

16 ноември 2006 година

Слободен софтвер Македонија на e-Society.mk го отвори прашањето за отворените стандарди пред очите на јавноста. Игор Стаматовски зборуваше за слободниот софтвер, отворените стандарди и отворениот формат за документи.

28 ноември 2006 година

Започна „Сподели знаење“: http://spodeliznaenje.blogspot.com/2006/11/blog-post.html.

24 декември 2006 година

Во канцеларијата на Лугола се организира првиот од тој тип настан, Мини-маратон, каде во период од една вечер беа преведени приближно 5000 низи од работната околина Xfce. Подоцна по примерот на тој настан и проследувајќи го успехот на собирот, се организира и Викитон, за пишување и превод на статии за Вики за слободен софтвер.

2007 година

16 јануари 2007 година

Слободен софтвер Македонија и Метаморфозис со заедничко соопштение до јавноста го критикуваа тендерот за комјутерска писменост кој го распиша Владата на Р. Македонија. Неколку дена подоцна Владата ја исправи тендерската документација во која претходно се бараше само обука за Мајкрософт офис: http://www.slobodensoftver.org.mk/vesti/soopstenie_tender_za_obuki.

4 март 2007 година

Се одржа првиот состанок на втората група на корисници на GNU/Linux во Македонија, Лугоп.

15 март 2007 година

По повод 3 годишниот роденден на Лугола, групата испрати писма до 50 фирми, компании, организации, медиуми и сл. во кои беа вклучени CD-ња со Убунту Линукс, памфлетот „Слободата и Ти“, како и пропаганден материјал во врска со можноста за користење на слободен софтвер како алтернатива за неслободниот скап софтвер (нешто што дојде по новата пролетна офанзива на BSA-Македонија за легализација на софтвер).

15 мај 2007 година

Во Скопје се одржа првата конференција за слободен софтвер на која не присуствуваа само хакери од локалната заедница. Настанот беше во организација на UNDP Македонија како финале на проектот „Support to e-Governance initiatives based on Free/Open Source Software at the local level in FYR Macedonia“. На конференцијата присуствуваа претставници на Владата на Р. Македонија и државната управа.

15 септември 2007 година

Денот на слободниот софтвер 2007 беше одбележан во Скопје и Прилеп. Настанот во Скопје се одржа во културниот центар Точка, кафе книжарницата Магор и националната галерија Мала Станица. Фотогографии има на http://www.flickr.com/photos/skopjesfd2007/ http://www.picasaweb.google.com/dimeski.kiril/SoftwareFreedomDay200715September а други материјали на http://spodeliznaenje.blogspot.com/search/label/sfd2007.

27 и 28 октомври 2007 година

На 27 октомври во просториите на Клуб на Новинари во Скопје е прославен петтиот роденден на НВО „Слободен софтвер Македонија“. На забавата присуствуваа гости од различни организации, здруженија и индивидуалци кои ја поддржуваат работата на НВО-то.

Следниот ден, на самиот роденден на организацијата членовите и приврзаниците се состанаа на слободна средба каде беа дискутирани идните планови за делување на заедницата.

12 декември 2007 година

Во рамките на настаните „Сподели“, се одржа презентација на OLPC XO лаптопите. Повеќе за тоа на http://spodeliznaenje.blogspot.com/2007/12/olpc-12122007-20.html. Набзро по тоа слични настани се одржаа и во Прилеп и Битола. [1] [2]

25 декември 2007 година

Слободен софтвер Македонија и МАСИТ потпишаа меморандум на разбирање. [3]

2008 година

30 април 2008 година

Слободен софтвер Македонија одржа презентација и конференција за печат за правилното пишување на кирилица во GNU/Linux. [4]

26 мај 2008 година

Слободен софтвер Македонија во јавноста излезе со свој став во врска со кампањското локализирање на софтвер потребен за училиштата во Македонија што го спроведуваа Влада на Р. Македонија и USAID во соработка со приватни компании. Како резултат на нивните краткорочни решенија за локализација беше зададен голем удар на заедницата на преведувачи. По нивната конечна одлука за кампањскиот модел повеќе локализациски проекти престанаа со својата активност. [5]

18 јуни 2008 година

Во културниот центар Точка се одржа забава по повод официјалното издание Firefox3 (и на македонски јазик. [6]

4 октомври 2008 година

Во Скопје беше одбележан Денот на слободниот софтвер 2008, со мало задоцнување во однос на официјалната прослава. Сепак, одбележувањето беше достојно. Повеќе на: http://spodeliznaenje.blogspot.com/2008/10/2008.html

15 октомври 2008 година

Излезе првиот број на е-зинот за слободен софтвер и хакерска култура - Лугархија. [7]

2009 година

13 март 2009 година

Групата на корисници на ГНУ/Линукс од Битола прослави 5 години постоење [8].

27 март 2009 година

Новица и Дамјан од 2с.мк го одржаа 10-тото (мал јубилеј) предавање на тема слободен софтвер и слободна култура пред студентите на политички студии. Првото беше во далечната 2003та.

7 септември 2009 година

Одржана промоција на Mozilla Firefox 3.5 во Скопје и Куманово. [9]

17 октомври 2009 година

Отворен првиот хаклаб во Скопје: КИКА. [10]

2010 година

20-21 март 2010 година

СподелиЗнаење гостуваше во Штип и ги сподели искуствата од работата на хаклабот во Скопје, КИКА, со локалната заедница (http://spodeliznaenje.blogspot.com/2010/03/blog-post_19.html)

26 април 2010 година

Со музика на радио и документарни филмови во хаклаб одбележан светскиот ден на интелектуалната сопственост. http://spodeliznaenje.blogspot.com/2010/04/blog-post_26.html

21 - 23 мај 2010 година

Во Скопје се одржа првиот интер-балкански собир на мозила заедниците. https://wiki.mozilla.org/Balkans:2010

03 јуни 2010 година

Во Скопје предавање одржа Ричард Сталман. http://slobodensoftver.org.mk/rms/

Истиот ден својата прва средба а одржа работната група за Националната политка за слободен софтвер. http://npss.slobodensoftver.org.mk/

2011 година

26-27 февруари 2011 година

Традицијата за одржување на локални НСНД настани продолжи и оваа година. Како прв град се избра Куманово каде што се одржа локален НСНД настан каде што присуствуваат повеќе луѓе од локалната заедница. http://b10g.spodeli.org/2011/02/blog-post_25.html

2-3 април 2011 година

Се одржа вториот по ред НСНД настан во Штип, градот каде што во 2010 за прв пат се случи локален НСНД собир. http://b10g.spodeli.org/2011/04/02042011.html

Пролет 2011 година

Во март 2011 беше објавенa Gnome Women Otreach Programata (GWOP) како дел од Google Summer of Code. http://arangel.linux.net.mk/archives/128 Резултатите од GWOP за периодот од 23 мај до 22 август може да се најдат тука https://live.gnome.org/GnomeWomen/OutreachProgram2011/MayAugust#Accepted_Participants Следната тура на GWOP беше објавена во септември 2011 http://tamara.softver.org.mk/?p=96. Ова се резултатите од GWOP која што се уште е во тек: https://live.gnome.org/GnomeWomen/OutreachProgram2011

6 април 2011 година

По повод објавувањето на новата GNOME 3 работна околина во хаклабот се одржа GNOME 3 рилис парти. Се зборуваше за новиот изглед на GNOME и за тоа како да се приклучите на GNOME заедицата. http://arangel.linux.net.mk/archives/137

13 април 2011 година

Се одржа мал настан по повод излегувањето на новата верзија 4 на прелистувачот Firefox. http://mozilla.blog.mk/2011/04/10/firefox-4-prezentacii-i-torta-sreda-13-04-2011-vo-galerija-7-od-20-30-chasot/

27-29 мај 2011 година

Се одржа НСНД Охрид првиот меѓународен нснд во Македонија. http://wiki.spodeli.org/NSND/2011/%D0%9E%D1%85%D1%80%D0%B8%D0%B4

13 јули 2011

Во скопскиот хаклаб КИКА се одржа прва само за жени хакерска вечер: http://it.com.mk/prva-samo-za-zheni-hakerska-vecher-vo-haklabot-kika/

17-18 септември 2011

Се одржа НСНД Струмица. http://b10g.spodeli.org/2011/09/17-18.html

9 октомври 2011

Започна со емитување Емисијата за дигитална слобода „Песната стопан нема“ на Канал 103: http://podcast.spodeli.org/

15 ноември 2011

Скопскиот хаклаб отворен по втор пат, по преселбата: http://b10g.spodeli.org/2011/11/blog-post_15.html

3 декември 2011

Global Day of Coderetreat http://b10g.spodeli.org/2011/11/global-day-of-coderetreat-20-03122011.html

2012 година

25-26 февруари 2012 година

НСНД Куманово: http://b10g.spodeli.org/2012/02/2012-25-26022012.html

7-8 април 2012 година

Слободен софтвер Македонија потпиша меморандум за соработка со Универзитетот Гоце Делчев од Штип каде што беше оддржан НСНД Штип 2012. Беше инсталиран Debian GNU/Linux на сервер во сопственост на факултетот за Информатика за развој на прилагоден Joomla CMS.

http://b10g.spodeli.org/2012/04/2012.html

26 април 2012

Игор Стаматовски и Тамара Атанасоска го ремиксуваат текстот на Новица Наков од 2009 година, со насолов Decaying Free Software Communities, за 10 годишнината од постоењето на 2с.мк и 3 години од постоењето на хаклабот КИКА. На SHARE 2 конференцијата тие настапуваат со темата DECAYING FLOSS COMMUNITIES VS. EMERGING HACKERSPACES. Презентацијата поделена во три дела, минато, сегашност и иднина ги обработува постигнувањата и проблемите на заедницата на слободен софтвер во изминатите 10 години и повторното креирање на заедница околу хаклабот КИКА во изминативе години. Дом омладине Београда / 26.04 / 13:15

http://www.flickr.com/photos/shareconference/7116214161/in/photostream

http://www.flickr.com/photos/shareconference/6970136364/in/photostream

http://www.flickr.com/photos/shareconference/6970136364/in/photostream

Текстот: http://novica.softver.org.mk/node/695

Презентацијата: http://igorstama.github.com/presentations/share2/dzslides/shells/onstage.html#../template.html

4 - 9 мај 2012

Ревија на слободни филмови во Кинотеката на Македонија по повод 10 години од основањето на Слободен софтвер Македонија.

Инфо: http://slobodensoftver.org.mk/slobodnifilmovi

Утрински: http://www.utrinski.com.mk/default.asp?ItemID=1D4F66A0D411CB4293E5501BD827DC66

Џингл: http://soundcloud.com/mirkopopov/festival-sloboden-softver

Пролет 2012 година

На 4-ти февруари 2012 беше објавен настанот Google Summer of Code 2012 (GSoC). На 16-ти март започна периодот за апликација на студенти за проекти на организации кои оваа година станаа дел од Google Summer of Code 2012. Со цел да се запознаат студентите со целта на програмата и начинот за апликација на 12-ти март, учесниците на Google Summer of Code 2011 одржаа презентација на ФИНКИ:

http://it.com.mk/it-nastan-kako-da-stanete-del-od-google-summer-of-code/.

Периодот на апликација заврши на 6-ти април.

Презентацијата на ФИНКИ се покажа доста успешна, така што на 23-ти април (кога беа објавени резултатите за примени студенти) беа примени 7 студенти од Македонија (за кои што знаеме). Ова е листата на прифатени проекти и студенти: http://www.google-melange.com/gsoc/projects/list/google/gsoc2012.

Од друга страна во исто време течеше и апликација за Gnome Women Outreach Program (GWOP). Како дел од оваа програма, беа примени 2 девојки од Македонија: https://live.gnome.org/GnomeWomen/OutreachProgram2012.

За успехот на хаклабот КИКА, Google Summer of Code и Gnome Women Outreach беше објавен текст во дневниот весник Нова Македонија: http://www.novamakedonija.com.mk/NewsDetal.asp?vest=427121343503&id=51&prilog=0&setIzdanie=22567.

Блог пост за успехот на GSoC во Македонија: http://google-opensource.blogspot.com/2012/05/macedonia-google-summer-of-code-meetups.html

09.10.2012

Слободен софтвер Македонија организираше затемнување на веб страниците во Р. Македонија во протест проив Предлог-законот за граѓанска одговорност за навреда и клевета. Повеќе на: ЧППЗаЗатемнувањето и МедиумитеЗаЗатемнувањето.

13.11.2012

Слободен софтвер Македонија во соработка со ФИНКИ започна со да организира презентации поврзани со слободен софтвер и слободна култура за студентите на ФИНКИ. Презентациите се оддржуваат еднаш неделно.

22.11.2012

Слободен софтвер Македонија ја доби првата награда на националниот конкурс „Подобри идеи за ЕУ фондови“. Проектната идеја на 2с.мк е составување на кутии за мерење на параметри од животната средина базирани на ардуино. http://b10g.spodeli.org/2012/11/22112012-12.html