Зошто слободниот софтвер е подобар

Од Сподели wiki
Прејди на прегледникот Прејди на пребарувањето

Помогнете и на вашата и на други земји

Microsoft е американска компанија и нејзиниот успех е важен за американската економија.

Ако не живеете во САД, кога купувате неслободен софтвер (пр Windows Vista), пола и повеќе од парите одат директно во софтверската компанија (пр. Microsoft): овие пари излегуваат од нашата земја, додека пак другата половина останува за трошоци како што е процентот од продажбата, нема никакви технички бенефиции. Нашата земја не произведува ништо, за да се продаде кутија со софтвер нe ни се ни потребни квалификувани луѓе. Сево ова води до IT професионалци со ниско познавање кои што се занимаваат само со инсталација и конфигурирање на неслободен софтвер без можноста да го изменат за своите потреби или пак да научат подобро како работи истиот.

Со слободниот софтвер (пр. GNU/Linux), економијата (и знаењето на IT професионалците) во нашата земја може само да се подобри, преку отворање на мали и средни компании кои што ќе нудат разни решенија и ќе продаваат поддршка и консалтинг за истите.

Луѓето кои што знаат како се прават работите и ги задржуваат парите во нашата земја ќе имаат само поголеми придобивки од сето тоа. Од друга страна пак, луѓето што само продаваат кутија со софтвер и ги испраќаат нашите пари преку морето ги оставаат IT професионалците без вистинско знаење за тоа како функционираат работите.

Пријавување на грешки и нивно поправање

Ако најдете грешка во Windows се што можете да направите е да чекате и да се молите дека Microsoft ќе ја поправи (доколку пак ви ја загрозува безбедноста на системот/системите, ви останува само да се молите дупло валјда). Можеби ќе ви текне да ја пријавите грешката на Microsoft за да ја поправат они, мора барем тоа да функционира. Епа ни тоа не функционира. Еве една интересна статија поврзана со ова. Што ако Microsoft воопшто не ја примети грешката? Ви останува да се надевате дека ќе биде поправена во наредната верзија на Windows (за која што ќе треба да платите уште една лиценца од неколку стотици долари).

Скоро сите проекти кои што се слободен софтвер (вклучувајќи ги и дистрибуциите на GNU/Linux) имаат свој систем за пријавување и решавање на грешки (бубачки) во софтверот. Откако ќе ја пријавите грешката и ќе објасните што се се случува, можете да видите што ќе се случи следно, целата работа е отворена и секој може да види што се случува. Најчесто програмерот ќе одговори на пријавата и можно е да побара додатни информации кои што би му помогнале да ја поправи грешката. Следното е поправање на грешката и известување за истото. Ако проблемот е решен на вашиот систем ќе биде решен и за сите други. Во интерес на сите е да се работи заедно кон создавање на подобар софтвер. Вака функционира слободниот софтвер и софтверот со отворен код.

Врски до системите за пријавување на грешки во неколку сс/сок проекти:

http://bugzilla.gnome.org - За GNOME

http://bugs.kde.org - За KDE

https://bugs.launchpad.net - За Ubuntu

http://bugzilla.redhat.com - Fedora/RHEL

https://bugzilla.novell.com - OpenSuSE/SLED

(знам дека ги нема сите, можете да ме дополните во коментар)

На сите овие сајтови има и упатства за пријавување на грешки во проектот, препорачливо е да ги прочитате пред да пријавите било каква грешка.

И за крај, ако користите било каков слободен софтвер и има нешто кое што ве иритира, не функционира како што треба или пак едноставно имате идеја како би можело да се подобри нешто, пребарајте ја архивата на бубачки, видете дали некој пред вас има пријавено нешто и ако нема тогаш пријавете вие, со тоа не си помагате само на себе туку и на сите други луѓе кои што некогаш ќе го користат тој софтвер.