Упатство:Користење активни обележувачи во Фајрфокс

Од Сподели wiki
Преработка од 17:40, 29 јануари 2011; направена од Admin (разговор | придонеси) (13 ревизии: initial)
(разл) ← Претходна преработка | Последна преработка (разл) | Следна преработка → (разл)
Прејди на прегледникот Прејди на пребарувањето

Веб канали

Некои интернет страници објавуваат многу нови статии и овозможуваат лесен начин да се биде во тек со нив преку RSS или Atom фидови. Иако секогаш можете да ги посетувате обележаните страници за да проверите дали има нови статии, некогаш е полесно новите статии автоматски да ви бидат пратени во т.н. веб канал (анг. web feed). На овој начин можете да ги добиете последните информации од интерес, дали се тоа најновите вести од Макфакс, последните статии од Кајмакот или од вашиот омилен блог.

Интернет прелистувачот Фајрфокс има една интересна функција наречена активни обележувачи (анг. Live bookmarks).

Како да ставите активен обележувач

Кога ќе посетите веб сајт кој има овозможено RSS или Atom фид, во алатникот за навигација ќе се појави оваа икона Live bookmarks.png. На некои сајтови иако имаат веб канал за синдикација може да не се појави портокаловата икона во алатникот за навигација, доколку на сајтот видите врска RSS, Atom, XML, синдикација можете едноставно да ја кликнете и да ги направите истите чекори како и да сте кликнале на иконата.


Live bookmarks addressbar.jpg


Можете да го додадете каналот со кликнување на портокаловата икона десно од адресата. Ако има повеќе канали Фајрфокс ќе ви покаже листа од која може да одберете еден. Кога ќе кликнете на иконата Фајрфокс ќе се ги прикаже ставките од каналот и најгоре на страницата неколку начини на кои можете да се претплатите на каналот.


Live bookmarks pretplatise.jpg


Од листата „Претплати се на овој канал со:“ изберете Активни обележувачи и кликнете на копчето Претплати се сега. Ќе се појави дијалог прозорец каде да го зачувате активниот обележувач.


Live bookmarks dodajaktiven.jpg


Кога ќе кликнете „Додај“ активниот обележувач за тој канал ќе биде додаден на алатникот со обележувачи и секој пат кога ќе има нова вест на сајтот и самиот обележувач втоматски ќе се ажурира.


Live bookmarks voalatnik.jpg

Надворешни врски