UTF-8 во KDE

Од Сподели wiki
Преработка од 17:32, 29 јануари 2011; направена од Admin (разговор | придонеси) (13 ревизии: initial)
(разл) ← Претходна преработка | Последна преработка (разл) | Следна преработка → (разл)
Прејди на: содржини, барај

Кога ќе отворите некоја страница со кирилична содржина можно е да Ви се појават нејасни знаци. Тоа значи дека Вашиот систем нема поддршка за кириличната кодна табела, ниту фонт кој може тоа да го прикаже.

Кирилична тастатура

Прва работа која ќе ја направиме ќе биде поставување на „Распоред на тастатура“. Активирајте „Контролен центар“ -> „Регионалност и пристапливост“ -> „Распоред на тастатура“. Обележете го „Овозможи распореди на тастатура“ и од листата подолу изберете ја македонската тастатура и додајте ја. Кликнете врз „Македонска“ во десната листа, и нешто подолу, под „Варијанта на распоред“ има едно поле „Вклучи латиничен распоред“ што треба да е активирано. Тоа ќе направи кратенки од типот на Ctrl+Д да се однесуваат исто како и Ctrl+D. Потоа, во истата категорија „Регионалност и пристапливост“ имате поткатегорија „Кратенки на тастатурата“. Изберете ја. Одете во „Шеми со кратенки“ -> „Глобални кратенки“. На крајот од листата со кратенки ќе најдете ставка „Премини на следниот распоред на тастатура“. Кога ќе ја изберете, во долниот дел се активира графика во вид на копче која може да ја кликнете и да поставите нова кратенка. Кратенката се поставува со самото притискање на комбинацијата на тастери. За повеќе опции користете „Напредно >>“ во истиот дијалог. Стандардна кратенка за преминување во друг распоред е Ctrl+Alt+K. Но тоа е премногу „далеку“, па затоа ви предлагам да користите Ctrl+Space. Кликнете на „Примени“. На Ctrl+Space (ако тоа го наместивте) во долниот десен ќош треба да се менуваат две знаменца, македонско и американско/британско.

UTF-8 Фонтови

Иако најголем дел од фонтовите под GNU/Linux (стандардните) ќе ви прикажат знаци од UTF-8, некои дистрибуции доаѓаат без такви фонтови. Јас проблемот го решавам со инсталирање на DejaVu Фонтови, вака:

  • симнете ја архивата со фонтовите од оваа локација;
  • одете во „Дома“ (на Работната површина (Desktop)) и кликнете врз архивата (најдете каде ја симнавте);
  • изберете ги сите TTF-фонтови и кликнете врз нив со десното копче од глувчето. „Дејства“ -> „Инсталирај“ -> „Лично“. Најавете се повторно во KDE (ctrl+alt+backspace).
  • КМени -> Контролен центар -> „Изглед и теми“ -> „Фонтови“ -> „Прилагоди ги сите фонтови“ и изберете некој од DejaVu-фонтовите (јас го користам DejaVu Sans Condensed). Кликнете „Примени“.

Сега отворете конзола (Alt+F2 -> Konsole). Напишете:

 # sudo kate /etc/profile

Во секој случај /etc/profile треба да се отвори со root-привилегии.

Првата команда е исто што и su, со таа разлика што sux ги префрла правата на root да може да се активираат графички апликации преку него. Со втората отворате уредувач за текст и тоа датотеката profile во папката /etc (види Хиерархија на датотечниот систем). Најдолу во датотеката додадете:

 export LANG=mk_MK.UTF-8

Сега може повторно да се најавите со Ctrl+Alt+Backspace.

UTF-8 за IRC

Ако користите IRC, тогаш може да нѐ најдете на irc.freenode.org на каналот #lugola. Разговорите најчесто таму се одвиваат на македонски јазик со кирилично писмо. За сето тоа да го читате, потребно ви е да наместите поддршка за UTF-8 на Вашиот клиент.

Konversation UTF-8

Пуштете го Konversation. Одете во менито Settings -> Identities -> Advanced -> Encoding (избрете UTF-8):

Konvi utf.png