Canonical Ltd. е приватна компанија оформена од африканскиот претприемач Mark Shuttleworth за промоција на проекти за слободен софтвер. Canonical е регистрирана компанија и има голем број на вработени низ целиот свет, заедно со главните канцеларии во Лондон и канцеларијата за поддршка во Монтреал.

Canonical денес спонзорира многу проекти и ја помага заедницата на слободен софтвер преку финансиски и технички средства. Како најбројни проекти се појавуваат:

• Ubuntu Linux, Debian базирана дистрибуција;
• Дериватите на Ubuntu, како што се Kubuntu, Xubuntu и Edubuntu Linux;
• Bazaar, децентрализиран систем за ревизии;
• Отвореното CD, CD со бројни апликации- слободен софтвер за Windows;

• Ден на слободен софтвер во светот;
• Go Open Source - кампања во Африка за поттикнување на употребата на слободен софтвер и помош на корисници кои работат со истиот;

• Launchpad, веб базиран софтвер за пријавување на грешки и следење на локализација на софтвер;

Canonical Ltd, официјална страна