Преглед на кодот на UTF-8 во KDE

Кога ќе отворите некоја страна со кирилична содржина можно е да ви се појават нејасни карактери. Тоа значи дека вашиот систем нема поддршка за кириличната кодна табела, ни фонт кој може тоа да го прикаже.

== Кирилична тастатура ==

Прва работа која ќе ја направиме ќе биде подесување на „[[Распоред на тастатура]]“. Активирајте Control Center -> Regional & Accessibility -> Keyboard Layout. Чекирајте го Enable keyboard Layouts и од листата подоли селектирајте и додадете македонска тастатура. Кликнете врз Macedonian во десната листа, и нешто подолу, под Layout variant има едно поле кое треба да е чекирано. Include latin layout. Тоа ќе направи кратенки од типот на Ctrl+Д да се однесува исто како и Ctrl+D.
Потоа, најлево имате мени Keyboard Shortcuts. Изберете го него. Одете во Shortcut Schemes -> Global shortcuts -> [слезете најдолу] -> Switch to next keyboard layout -> [во Shortcut for selected action кликнете врз Custom] -> тастатурна кратенка која сакате да ја користите. Стандардна е Ctrl+Alt+K. Но тоа е премногу „далеку“, па затоа ви предлагам да користите Ctrl+Space. Alt+Shift нема да може (ова не е Windows, сепак). Apply. На Ctrl+Space (ако тоа го наместивте) во долниот десен ќош треба да се менуваат две знаменца, македонско и американско/британско.

== UTF-8 Фонтови ==

Иако најголем дел од фонтовите под [[GNU/Linux]] (стандардните) ќе ви прикажат UTF-8 карактери, некои дистрибуции доаѓаат без такви фонтови. Јас проблемот го решавам со инсталирање на [http://dejavu.sourceforge.net/wiki/index.php/Main_Page DejaVu Фонтови], вака:

* симнете ја архивата со фонтовите [http://prdownloads.sourceforge.net/dejavu/dejavu-ttf-2.4.1.tar.gz?download од овде];
* одете во Home (на Работната површина (Desktop)) и кликнете врз архивата (најдете каде ја симнавте);
* селектирајте ги сите TTF фонтови и кликнете врз нив со десното копче од глувчето. Actions -> Install -> Personal fonts. Прелогирајте се во KDE (ctrl+alt+backspace). 
* КМени -> Control Center -> Appereance and themes -> Fonts -> Adjust all fonts и изберете некој од DejaVu фонтовите (јас го користам DejaVu Sans Condensed). Кликнете Apply.

Сега отворете конзола (Alt+F2 -> Konsole). Напишете:

  # sudo kate /etc/profile

Во секој случај /etc/profile треба да се отвори со root привилегии.

Првата команда е исто што и su, со таа разлика што sux ги префрла правата на root да може да се активираат графички апликации преку него. Со втората отворате текст уредувач, и тоа датотеката profile во директориумот /etc (види [[http://wiki.lugola.net/систем/датотечен.систем|Хиерархија на датотечниот систем]]). Најдолу во датотеката додадете:

  export LANG=mk_MK.UTF-8

Сега може пак да се прелогирате со Ctrl+Alt+Backspace.

== UTF-8 за IRC ==

Ако користите IRC, тогаш може да не најдете на irc.freenode.org на каналот #lugola. Разговорите најчесто таму се одвиваат на македонски јазик со кирилично писмо. За сето тоа да го читате, потребно ви е да наместите UTF-8 поддршка на вашиот клиент. 

=== XChat UTF-8 ===

Пуштете го XChat. Одете во менито XChat -> Server list -> [изберете сервер, undernet или freenode] -> Edit. Ќе се појави прозорец во кој ќе имате и поле за избор на кодна табела, изберете UTF-8:

[[Слика:xchat_utf.png]]

=== Konversation UTF-8 ===

Пуштете го Konversation. Одете во менито Settings -> Identities -> Advanced -> Encoding (избрете UTF-8):

[[Слика:konvi_utf.png]]

[[Category:Локализација]]
[[Category:KDE]]