Хаклаб/Проекти

GPXE мрежни карти

Мрежни карти со GPXE софтверот за мрежно бутирање. Мрежни карти со место за boot chip веќе имаме, но ќе ни требаат (E)EPROM-и. Може 27C256, 27C512 или 27C010 (256Kbit, 512Kbit и 1Mbit соодветно). Image-от ќе го генерираме на http://rom-o-matic.net/

Подпроект на ова е да се направи (е)eprom програматор со arduino за да може да ги „срежеме“ image-ите.

LED дисплеј

LED дисплеј кој ќе го покажува најновиот статус од твитер. Arduino проект. Ќе ни требаат црвени диоди.. Многу. Можеби и hcf4094 serial-to-paralel шифтери.

Или пак да користиме повеќе AtMega чипови кои што ќе комуницираат меѓу себе. Со шифт регистри е многу полесно и веројатно поефтино.

Шеми и останато : http://wiki.lugola.net/Хаклаб/Проекти/LED-Дисплеј

Досегашен план:

• Да се набават пробни панели (4 на број) од Sure-Electronics (China) - http://www.sureelectronics.net/goods.php?id=1122
• Да се проба да се одстранат рабовите од истите за да можеме и вертикално да ги надаваме
• Да се изврзе контрола (сериска) преку Arduino

Почетокот на продажбата на панелите се очекува во ноември, до тогаш може да смислуваме други ситни работи.

Буџет

• 4 плочки по $20 = $80 + пат за истите
• Метална кутија - не сме стасале до тука :)

Робот

Некаков :) .. можеби за тепање

Идеја (Алекс) да се конструира отворен харвер заедно со некој софтвер за ардуиното кој ќе е од отворен карактер па да можат повеќе луѓе да го изработат работот. Електрониката јас ќе ја дизајнирам.

Може варјанта да се поврзе со некоја голема играчка на 4 тркала

X300 на Ubuntu 10.04

Да ги проработиме ncomputing x300 мулти-терминал картиците на некое поново Ubuntu (идеално на 10.04 LTS)

Досегашен напредок :

Идејата е да се инсталира стар кернел (2.6.20-17-generic) на 10.04 и доколку е потребно и стара верзија на Xorg (108). Досега е пробано со стар кернел но прави пролеми udev-от (кој мислам дека е решен ?) како и ext4 фајл системот.

Систем за производство на печатени плочки

Сега за сега може со метода на трансфер на тонер, а може да се преправи некој печатач директно да печати на плочката (има варијанти и за инкџет и за ласерски). Може да се направи и со помош на ултравиолетово осветлување и со помош на спреј за развивање со кое се добиваат идеални плочки особено добри за SMD работа. Може потоа да се склепи и CNC (Computer-Number-Controlled) „бушалица“ за нивно „професионално“ бушење.

Колаборативен едитор во хаклаб

Нешто од типот на Bespin или пак etherpad би била корисна алатка за хаклабот.

Миграција на froggin.mk на google-appengine

Употреба на http://code.google.com/p/py-dom-xpath/ наместо lxml поради тоа што google appengine не поддржува lxml

ВебСиндикат

Апликација што ќе им овозможи на работниците (пред сѐ младите) да ги споделат своите добри и лоши искуства со работодавачите. ВебСиндикат идеја.

Speed-O-Meter (завршено)

Мерач на интернет брзината на трафикот кој проаѓа низ DebiLan серверот во стил на old-school мерач. Инспирација : http://www.twitvid.com/W55CH

Педометарот е тотално операционален и се наоѓа над мониторот на DebiLan серверот. Конектиран е преку еден отпорник (бафер) на праралелниот порт на пин 2 (излез 0). Кодот може да се виде на : https://gist.github.com/744078 и https://gist.github.com/745027

Слика: http://www.flickr.com/photos/spodeliznaenje/5438036383/ и http://www.flickr.com/photos/spodeliznaenje/5266645239/

Поштенско Сандаче

Макета на поштенско сандаче/кутија кое што ќе има автоматизирано „знаменце“ и при стасување на нова порака во e-mail сандачето, знаменцето автоматски да се крева, а по нејзино проверување знаменцето да се спушта во оргиналната позиција.

Ова може да биде врзано истотака на DebiLan кој што ќе биде подесен да проверува мејл на @slobodensoftver.org.mk

LED Cube

Повеќе на http://wiki.lugola.net/Хаклаб/Проекти/LED_Cube

Бесконечно огледало

Инспирација: http://www.infinitymirror.net/ План: http://www.flickr.com/photos/spodeliznaenje/5438657598/

AVR Atmel ISP програмер (завршен)

AVR Atmel ISP (In System Programmer) со кој ќе ги програмираме atmel чипчињата оти се најачи. Програмерот е од тип tinyusb и е праен по шема на http://ladyada.net/make/usbtinyisp/, се разбира со наш допринес .).

Програмерот има еден AtTiny2313 микроконтролер на кој што е софтверки имплементирано USB 1.0 протокол и кој преку еден уни-дирекционален бафер (74HC125) се конектира на флет кабел со соодветни конекции за ISP пиновите. Првичното програмирање и подесување на fuse-овите на AtTiny2313 е извршено со Arduino ISP програмер.