Хаклаб/Курсеви/Programming 101 Python

„Programming 101, in Python“ е курс по програмирање, наменет за почетници. Во него, преку решавање на проблеми во програмскиот јазик Python, студентите ги учат основните концепти на програмирањето. Курсот е структуриран на таков начин што освен самиот јазик, студентите ќе имаат прилика да научат и како да снаоѓаат во Linux терминалот, како да го користат Git софтверот за верзионирање и да видат како кодот напишан во Python би изгледал во друг јазик.

Курсот е пред сѐ наменет за студенти кои штотуку се запишале на факултет за компјутерски науки, планираат да се запишат, или претендираат во иднина да работат на развој на софтвер. Фокусот е ставен на запознавањето со фундаменталните концепти од програмирањето, универзални за сите програмски јазици. Секако, курсот е отворен за сите и може да биде од корист било кому, без разлика на позадината од која доаѓа.

Ментор

Курсот го организира Андреј Трајчевски, повеќегодишен член на хаклабот. Во минатото го има организирано курсот „Дизајнирање на компјутер, од нула!“ во кој - почнувајќи од елементарни единки, логички порти - студентите дизајнираа процесор. Во повеќе наврати има одржувано презентации: за Алан Туринг и разбивањето на Енигма, генерирање на поезија во Python, како и работилници за анонимност и безбедност.

Освен тоа, Андреј е freelance web developer, скоро дипломиран (almost, не recently) студент на Штулов, фан на Haskell, алкохол и несериозност.

Todo

• линк до нерешените задачи на github
• линк до linux image-от
• повеќе објаснување за текот на курсот (кога завршува, на пример)

Често поставувани прашања (FAQ)

Кога почнува курсот?

Во среда, 7-ми октомври, 2015

Кои денови ќе се одржува?

Секоја среда, од 19:00 до 21:00 часот (веројатно и подоцна, ако има интерес)

Како да се пријавам?

Внеси ги своите податоци тука: форма за пријавување

Колку ќе чини курсот?

3000 денари.

Како може да платам?

Најлесно е во готово, на првиот ден од курсот. Алтернативно, на жиро сметка со дознака „за курс по програмирање“.

Сакам да го посетувам курсот, но не можам да платам. Што да правам?

Испрати мејл на andrejtrajchevski@gmail.com и ќе ја разгледаме можноста хаклабот да те стипендира.

Веќе две години професионално програмирам, дали ќе ми биде интересно ако дојдам?

Тешко.

Колку луѓе би биле во група?

Не повеќе од 10. Ако има повеќе од 10 пријавени, ќе има втора група (уште не се знае во кој термин.)