Хаклаб/Курсеви/Вовед во програмирање

Практичен вовед во програмирање

programming 101

Ова е основен курс за програмирање за кој не се потребни никакви предзнаења. Со него ќе ги научите концептите на програмирањето, основните делови на програмскиот јазик python и некои корисни алатки што ќе биде доволно да пишувате основни програми, а ќе можете и со леснотија да се впуштите во проучување и на покомплексни програмски концепти, програмирање за веб, десктоп, мрежи итн.

Предвидено е курсот да трае 6 недели, една сесија неделно со по два часа. Предавач ќе биде Баже Петрушев.

Курсот започнува на 24 Октомври и ќе се одржува секоја среда во хаклабот Кика.

Преглед на курсот

• Основи на програмирање - што е изворен код, како се структурирани програмите, како се извршуваат
• Имиња, вредности, типови - кои се основни градбени единки на програмите
• Контрола на тек - кој дел од кодот се извршува сега, како да се прескокне дел од програмата, а како да се повтори некој друг. како да се справиме со грешки
• Функции - што да се прави кога некој дел од кодот ни треба почесто
• Модули и пакети - за кутијата со алати на python

Практични примери:

• Адресар - ги зачувува адресите и телефоните по име и презиме, за подоцна лесно да може да се пребаруваат
• Веб кролер - може да зачува содржина од цел веб сајт, и од неа да ги извади корисните работи.

Услови и пријавување:

Не постојат предзнаења ниту квалификации за учество во курсот. Цената на курсот е 3000 денари, и сите средства одат за поддршка на хаклабот Кика.

Потребно е да си носите лаптоп - доколку немате, потребно е да најавите за да се провери можноста за користење на еден од компјутерите во хаклабот.

Пријавете се на линкот: пријава

За било какви прашања и дополнителни информации може да контактирате со предавачот на: bpetrushev [at] gmail.com