Хаклаб/Курсеви/Arduino

Мини курс за користење и програмирање на Arduino за почетници

Internet of things 101

Курсот претставува вовед во електроника на микроконтролери со помош на Ардуино, има практична природа и би ви овозможил реализирање на вашите проекти или уметнички инсталации.

Александар Лазаров (авторот на популарната LED коцка) ќе се обиде со едноставен јазик и практични примери да ви го доближи ардуиното како отворена платформа и слободен хардвер, и начинот на кој што можете да го употребувата, надградувате и како практично да ги надминете границите на вашата имагинација. Со Александар може да контактирате на aleks <at> slobodensoftver.org.mk за било какви прашања поврзани со курсот.

Времетраењето на курсот е 4 часа од по 45 минунти, поделени во два дена. Цената на курсот во кое е вклучено комплетчето за работа е 3500 денари.

Што се добива во комплетчето: 1 Ардуино + 1 Бредборд + 10 ледици + 1 температурен сензор + жички

Поради просторни можности, максимум 10 слушатели може да учествуваат на курсот. Доколку има интерес за повеќе може да се организира уште дополнителни термини.

Програма

Ден прв 16 октомври 2012

• Што е интернет на стварите - Вовед во концептот *Internet of things*, како може да се постигне тотална контрола на секојдневните работи со помош на технологијата
• Што е ардуино и како да го користам - Краток осврт на отворената хардверска платформа за развивање Arduino, нејзиниот концепт, различните можности и моќта која има истата, поради нејзината отворена природа со која што постигна вртоглава популарност, особено во не-техничките кругови на дизајнери, трансмедиа уметници и сл.
• Како да го „натерам“ ардуиното да прави работи за мене - Хардверски преглед на ардуино платформата и како оваа *црна кутија* може да се интерфејсира со надворешниот свет и да ги прави нештата кои што ние сакаме да ги прави
  • ЛЕД Коцка - осврт на LED коцката, како е направена, од кои компоненти се состои, како се програмира
  • Мериме (температура, број на уреди) - осврт како мериме температура и број на активни уреди на мрежата во хаклабот КИКА
  • Контрола (Клима уред, печка) - Обид за контрола на клима уредот и печката

Ден втор 17 октомври 2012

• Ардуино + протоборд + диода+сензор - Подетален осврт на самиот ардуино хардвер, влезно излезни пинови, практично поврзување со надворешниот свет. Објаснување на улогата на протобордот (прото-плочката) како таа е внатрешно уредена и како можеме да ги поврзиме разните компоненти на неа без да користиме лемилица. Објаснување на улогата на диодата, како таа работи и зошто така работи - практичен пример на поврзување на сите овие три работи во една фунционална целина - трепкач.
• Ардуино програмирање (IDE) - Софтверски осврт на ардуино околината. Кои се важните работи околу околината и како можеме да го програмираме ардуиното. Инсталација на вашиот лаптоп.
• Сензори, мерење и индикација - Објаснување за улогата на температурниот сензор. Која е неговата намена и како можеме да го искористиме во нашите проекти. Одделно поврзување на сензорот со читање на податоците на компјутер (сериска комуникација на ардуиното со компјутерот) и подоцна правење на комплетен систем составен од диоди и температурниот сензор за индикација на температурата

Комплетче за курсот

• Ардуино еден
• УСБ Кабел
• Бредборд
• 10 Диоди
• 1 Температурен сензор
• Кабли

Пријава

Не е потребно техничко предзнаење за посета на курсот. Ако имате лаптоп може да го носите со вас и на него ќе инсталираме Arduino IDE за негово програмирање. (Поддржани се сите оперативни системи, Linux, Mac OS X или Windows). Ако немате лаптоп, во хаклаб има 2-3 персонални компјутери со Ubuntu Linux, кои можете да ги користите.

Рокот за пријавување е 1-ви Октомври 2012 до 22:00 часот. Може да се пријавите на линкот подолу :

http://0.mk/arduino-prijava

Цена на целиот курс е 3500 денари, цена на курсот без комплетче е 2300 денари. Вредноста на комплетчето е 1200 денари. Ако веќе имате ардуино, потребно е само да уплатите 2300 денари за самиот курс.

Средствата се распределени на следниов начин, 300 денари од секоја пријава одат за поддршка на хаклабот КИКА, 2000 одат како хонорар за организаторот на курсот.

Галерија

• 
• 
• 
• 
• 
• 
• 
• 
• 

Референци

• https://www.youtube.com/watch?v=sfEbMV295Kk
• https://www.youtube.com/watch?v=Cpbbrpgwu2I
• https://www.youtube.com/watch?v=RG5nNpQVYlo