GNOME
Вовед
GNOME (GNOME или GNU Object Model Enviornment) е слободна мулти-платформска работна околина која што како стандардна графичка околина доаѓа со повеќето диструбиции на GNU/Linux.
![[1]](http://static.flickr.com/45/144207740_4c92d0a556_o.png){kind=link}
GNOME е проект базиран на слободен софтвер наменет за развој на комплетна, едноставна за употреба работна околина. Покрај вклучените централни компоненти за работната околина како што се системските менија, датотечниот менаџер, интернет прелистувачот и останатите алатки, GNOME е и комплетна развојна платформа која што им овозможува на програмерите да креираат нови апликации.
Повеќе од 500 програмери на софтвер од секој континент, вклучувајќи и повеќе од 100 платени програмери со дел од своето време придонесуваат за овој проект. Проектот е спонзориран од индустриските лидери: Флуендо, ХП, ИБМ, Новел, Ред хат и Сан. GNOME е поддржан на повеќе платформи вклучувајќи го и GNU/Linux, оперативниот систем Соларис, „HP-UX“, Јуникс, БСД, и Дарвин на Ејпл.
Работната околина GNOME ја користат милиони луѓе низ целиот свет. GNOME е стандарден дел од сите водечки GNU/Linux и Јуникс дистрибуции во светот, вклучувајќи ги и најпопуларните, како што се Дебиан, Федора Кор и СУСЕ и е стандардна работна околина на повеќе водечки бизнис GNU/Linux дистрибуции како што се „Ред хат ентерпрајз линукс“ и Сан јава десктоп систем. GNOME исто така е и работната околина која што се користи во некои од најголемите GNU/Linux средини во светот вклучувајќи ги и Екстрамадура во Шпанија и Сао Паоло во Бразил. Технологијата на GNOME, за развој на своите производи ја користат и водечките независни производители на софтвер за GNU/Linux. Можеме да ги спомнеме Firefox, проектот Eclipse, Real networks и VM Ware.
Теми и икони за GNOME
Изгледот на GNOME работната околина можете да го приспособите по сопствен вкус со инсталирање на теми, икони и позадини за работната околина. Голем избор на теми за GNOME работната околина можат да се најдат на Gnome-look или пак на art.gnome.org.
Теми за GTK
Овие теми се теми за GTK апликациите кои ги користите. Доколку ја промените тековната GTK тема ќе се промени бојата и изгледот на копчињата на GTK апликациите (пр. Наутилус, file-roller, firefox, gnome-terminal, gnome-baker). По симнувањето на теми од линковите кои се наведени горе, темите се инсталираат со отпакување на tar.gz пакетот во .themes папката во домашниот директориум:
cd ~/.themes/ tar -xvvzf _theme_.tar.gz
каде _theme_.tar.gz е темата која е симната. Друг (полесен) начин да се инсталира тема е следниов: Кликнете System->Preferences(или GNOME Control Centre кај некои дистрибуции)->Themes. Потоа кликнете Install Theme и селектирајте ја темата. Инсталираните теми можете да ги одбирате со истата алатка.
Рамки за прозорци
Рамките за прозорци се инсталираат само преку алатката за теми. Методот е објаснат погоре.
Икони
Иконите се инсталираат на истиот начин како и GTK темите. Пакетите со икони отпакувајте ги во папката .icons во домашниот директориум:
cd ~/.icons/ tar -xvvzf _icons_.tar.gz
каде _icons_.tar.gz е темата со икони која е симната. Иконите може да се инсталираат преку Themes алатката. Методот е опишан погоре.
Позадини
Позадини се избираат во System -> Preferences-> Desktop Background. Ако сакате можете да си додадете и ваши.