GNU/Linux

Од Сподели wiki
Прејди на: содржини, барај

GNU/Linux е оперативен систем за Вашиот компјутер, слично како и Microsoft Windows и Apple OS X што се системи за Вашиот компјутер. Сепак, GNU/Linux е многу поразличен од нив.

Пишувањето на Linux јадрото започна во 1992г. од тогашниот студент Linus Torvalds.

Поради глобалните напори за соработка, GNU/Linux е стабилен, екстремно флексибилен и добро поддржан. Тој е систем со највисоко ниво на раст во светот и е слободно достапен за Вас да го инсталирате на Вашиот компјутер! Звучи добро?

GNU/Linux доаѓа со илјадници слободни апликации кои се одржуваат од илјадници волонтери низ светот. Овие проекти го издаваат и изворниот код на софтверот кој произлегува од нив, што значи дека тие се слободен софтвер.

"Но како можат да го прават сето ова волонтерски?" можеби се прашувате. Заедницата на слободен софтвер работи на сите овие проекти волонтерски затоа што го сакаат софтверот, не затоа што сакаат да заработат пари од него. Тие го прават тоа заради престиж, чест и бидејќи веруваат во идеалите на слободниот софтвер.

Важно е да се забележи дека заради природата на слободниот софтвер (можноста да се изменува како што Ви одговара) постојат многу различни верзии на GNU/Linux. Тоа е прекрасно затоа што можете да најдете верзија која најмногу Ви одговара! Различните верзии на GNU/Linux се наречени 'дистрибуции'. Тоа е така заради тоа што креаторите на верзиите го земаат GNU системот и Linux и прават свои измени врз нив, додаваат свои пакети и ги редистрибуираат слободно. Можеби изгледа комплицирано, но не е. Затоа не грижете се, ќе Ви помогнеме правилно да се насочите!

Многу кратка историја

Како главен претставник на слободниот софтвер, GNU/Linux е систем кој смени многу работи во текот на развојот на информатичката технологија. Многумина кога велат Linux, впрочем мислат на GNU/Linux, а често пати некои GNU го поистоветуваат и со име на дистрибуција. GNU, Linux или GNU/Linux, тоа е систем кој на многумина им ги отвори очите во однос на тоа како навистина информатичката технологија треба да влијае врз општеството во позитивна насока.

GNU/Linux, непобедливата комбинација

Во почетокот на 90-те беше напишан поголемиот дел од GNU системот, со исклучок на јадрото на оперативниот систем. Во 1992, GNU сеуште нема употребливо јадро. Иако за почеток на напорите да се напише јадро на системот GNU е Hurd, проектот сепак како примарно јадро го усвојува Linux јадрото. Со комбинација на GNU системот со Linux се добива комплетен оперативен систем: GNU/Linux. Започна да се формира заедница на корисници на овој систем. Започнаа да се формираат...

Потоа започнуваат да се формираат првите дистрибуции.

  • MCC Interim Linux,
  • TAMU,
  • SLS.

Потоа како посериозна и попрофесионална дистрибуција доаѓа Slackware Linux. На пазарот почнува борба со акции, се појавува Red Hat Linux итн.

Најчесто поделбите се прават врз основа на менаџерот за пакети имплементиран во системот. Така денес постојат:

  • Rpm базирани - користат RPM (Redhat Package Manager) справувач со пакети;
  • Deb базирани - користат DEB (Debian) справувач со пакети;
  • Tgz - иако некои одат кон терминот Slackware базирани дистрибуции - тоа би биле дистрибуции кои се базираат на технологијата применета во Slackware почнувајќи од справувачот за инсталација (tgz пакети) па се до скриптите за иницијализација на системот (BSD-Like)

Видете и..

Врски

GNU

Linux кернел

Листа на познати GNU/Linux дистрибуции

Викито на Gentoo

Статистики за корисници и машини кои работат на GNU/Linux