Упатство:Што е дискусиона група и како да се претплатите со Mozilla Thunderbird

Што е дискусиона група?

Дискусина група е Usenet news група (за повеќе инфорамции посетете ја страницата http://en.wikipedia.org/wiki/Usenet).

Најпросто кажано, дискусионите групи се форумите од времето пред да постојат форуми на Интернет. Иако во последно време активноста на нив е во опаѓање и/или има многу спам, сепак се прилично корисни за одредени групи на корисници или одредени теми.

Постојат многу сервери со дискусиони групи и постои и еден македонски: news.mt.net.mk

На него се сместени околу 70 групи поделени по теми: од политика до софтвер.

Групата за софтвер - mk.comp.software - е едно од местата каде што на Интернет можете да добиете поддршка од други кориснци за прашања поврзани со слободен софтвер (или конкретно за Mozilla Thunderbird).

Функционирањето на групите подлежи на одредени правила. Некои од нив се прибележани во делот ЧПП на http://bagra.org (за повеќе информации посетете ја страницата http://www.bagra.org/sitemenu).

Значи, дознавте што се дискусиони групи, ги видовте правилата и сега сакате да се претплатите на некоја група со помош на Mozilla Thunderbird.

Чекор 1: Старување на Thunderbird и додавање на сметка

Стартувајте го Thunderbird и од менито „Уредување“ одберете „Поставки за сметката“.

Ова ќе го стартува волшебникот за сметки. Во новиот прозорец има повеќе опции, одберете „Сметка за дискусии“ и кликнете „Напред“.

Волшебникот тогаш ќе го побара вашето име и вашата адреса за е-пошта. Внесете ги и кликнете „Напред“.

Потоа ќе ве праша за името на серверот со дискусиони групи. Тогаш внесете го news.mt.net.mk и кликнете „Напред“. Сега ќе треба да внесете и име за сметката. Волшебникот претпоставува дека тоа ќе биде исто со името на серверот. Ако немате ништо против кликнете „Напред. Ова ќе ве одведе до прозорец каде што се прикажани сите информации што сте ги внесле до тој момент. Таму кликнете „Крај“ и потоа во прозорецот со поставки за сметката кликнете „Во ред“.