PHP
PHP доаѓа од PHP HyperText Pre-processor и е програмски јазик за на серверска страна. Ова значи дека посетителот отвара страница, серверот ги процесира/обработува РНР командите и го праќа резултатот до прелистувачот на клиентот. РНР е слободен програмски јазик, неговиот код е отворен и е мулти-платформски. РНР може да работи на Unix, Unix-оиди, GNU/Linux, Windows итн. Може да биде компајлиран со модул за Apache сервер и како бинарен за CGI.
Кога пишувате URL во полето за адреса во прелистувачот, барате од веб серверот на некој компјутер, да испрати датотека до прелистувачот на Вашиот компјутер. Ако таа датотека е HTML, тогаш таа изгледа исто и во прелистувачот и на серверот пред да ја испрати. По примањето, прелистувачот ги прикажува текстот, сликите и звуците. Во случајот со РНР страниците, процесот е ист, само што има обработување пред серверот да го испрати документот. Тогаш серверот ги повикува скриптите кои се вклучени во страницата.
PHP синтакса
PHP синтаксата е слична како синтаксата во C и Perl. Не мора да се декларираат променливи пред тие да се искористат. Лесно е да се направат низи хаш-асоцијативни низи. PHP има и некои рудиментирани објектно ориентирани карактеристики, овозможувајќи лесно организирање и енкапсулирање на Вашиот код. Покрај основната синтакса, PHP носи и интерфејси за комуникација со други веб страници, бази со податоци, вклучувајќи ODBC, mySQL и други програмски јазици како Java и COM. PHP кодот влегува директно во веб страницата, па затоа не се потребни специјални развојни околини. Почнувате блок со <?php и завршувате со ?>. Напомена : Блокот можете да го започнете и со <? и завршите со ?>, за да не се мачите да пишувате на секое php.
Примери за код
- Оваа е обична здраво свету програма
<html> <body> <?php $varijabilna = "Здраво, Свету"; echo $varijabilna; ?> </body> </html>
- Овој код внесува датотека
<html>
<body>
<?
include("ime_na_datoteka.inc");
echo "Здраво, Свету";
?>
</body>
</html>
- Код кој ќе Ви прикаже информации за името на серверот, верзијата на базата на податоци, верзијата на PHP....
<html> <body> <? phpinfo(); ?> </body> </html>
Што може PHP да направи за нас?
Има многу можности што може да ги искористиме од PHP. Можете да прикажувате дата и време и други податоци, да поставувате форми кои ќе ги пополнуваат посетителите, да пристапувате до 19 видови бази на податоци, да ги обработувате нивните податоци, да праќате е-пошта да работите со дискусиони групи.
Други можности што ги носи PHP
PHP e соодветен кога сакате да креирате динамички страници кога прелистувачот ќе побара страница. Пр. да прикажувате датум и време, да листате податоци од база на податоци и друго. PHP нуди едноставно уредување на страницата со можност да се направи покорисна за индивидуални корисници. Со него може да се поставуваат веб страниците, да се контролира автентикацијата и да се пренасочуваат корисници. Една од најмоќните опции во PHP е пристапот до базите со податоци. Имате пристап до 19 видови бази и обработка на податоците.
Креирајте листа на посетители, додајте thirt-party услуги, услуги кои нудат статистика за посетителите, колку пати Ве посетиле, од каде Ве посетиле. Со PHP вакви информации се тривијални. PHP нуди едноставно праќање на е-пошта, работа со поштенски групи, отвароње конекција со други веб страници и вадење податоци од нив.
PHP комуницира со други програмски јазици како Java и COM интерфејси. PHP дозволува сè! Од генерирање PDF до парсирање XML.