Лугоп

Што е Лугоп ?

Лугоп од Прилеп, групата на корисници на GNU/Linux, е формирана на 4 март 2007 година од страна на Кирил Димески. Лугоп постои заради помош на корисниците на GNU/Linux оперативниот систем во градот и пошироко. Името Лугоп доаѓа од англиските зборови GNU/Linux User Group of Prilep. Групата сеуште е млада и се надеваме на успешна работа.

Ние сме..

Млади активисти, ученици во средно училиште. Во групата карактеристично е тоа што, координаторот има 16 години, најмладиот член има 14, а најстариот член има 33 години.

Простории

Лугоп располага со сопствени простории на улица Кузман Јосифоски бр.118 во Прилеп, во центарот на градот. Просторијата е опремена со 2 десктоп компјутери и еден лаптоп на кои е инсталиран GNU/Linux оперативниот систем. На едниот десктоп компјутер има инсталирано GNU/Linux Xubutnu 7.04, на другиот GNU/Linux Kubuntu 7.04, додека на лаптопот има инсталирано OpenSuSe 10.1 Лаптопот е добиен благодарение на извршниот директор на НВО „Скорпион“ од Прилеп

Во просториите во време од 09,00-15,00, секој ден може да се проба GNU/Linux и слободен софтвер.

Фотографии наскоро....

Зошто го правиме баш ова?

Лугоп е формирана да помага, да шири слобода, да развива, да доработува, да соработува, да преговара, да одговара........ повеќе одговори.... на dkire@taratur.com

Нашите цели се..

Да им помагаме на корисниците на слободен софтвер, првенствено на корисниците на GNU/Linux. Да им овозможиме пристап до слободен софтвер и GNU/Linux на корисниците кои сакаат, а неможат да го најдат. Да го спроведеме GNU/Linux како наставна тема по предметот информатика, во образовните процеси.

Проекти

Лугоп досега има реализирано неколку проекти :

• „GNU/Linux во училиштата“ - кампања која е спроведена во две средни училишта во Прилеп, од

септември се очекуваат исти такви презентации во сите училишта (средни и основни) во Прилеп и во основните училишта во прилепските села (Обршани и Пашино Рувци)

• „GNU/Linux и НВОи“ - проект кој му овозможува на сите НВОи пристап до GNU/Linux и слободен

софтвер.

• „GNU/Linux поплава“ - мала активност со која беа разделени дистрибуции на 12 учесници на семинар организиран од Х.Е.Р.А во Маврово

Проекти во тек на реализација :

• „Веб сајт LugoP“ - проект кој е почнат да се реализира од месец јули и би требало да се заврши при крајот на август или почетокот на септември
• „Што е GNU/Linux“ - проект кој е започнат од 7 јули 2007 и ќе заврши со презентација на 23 јули оваа година пред 30 НВОи во центарот за поддршка на НВО во Прилеп ( во рамките на проектот се вклучени делење на ЦД-ња со GNU/Linux и пристап на жителите на Прилеп до GNU/Linux во просториите на соработникот на LugoP, НВО „Скорпион“ ).

Нереализирани проекти :

• „Creative Commons поблиску до народот“ - проект преку кој жителите на Прилеп, детално би се запознале со лицените Creative Commons.
• „15 семптември, Ден на слободен софтвер“ - ден на слободен софтвер на светско ниво
• „OpenOffice.org и НВОи“ - проект кој им овозможува на НВОите да се здобијат со практично искуство

во со OpenOffice.org 2,2 преку 3 дневна обука.

• „GNU/Linux, мојот пријател“ - кампања за инсталирање на GNU/Linux во училиштата, со можност

учениците да избираат што да учат Microsoft Windows или GNU/Linux

• „Отворени формати, ДА или ДА“ - проект преку кој жителите на град Прилеп би се запознале со oтворените формати.

Врски

Блог на координаторот

Лугола

Слободен софтвер Македонија

Македонски GNU/Linux портал

Македонски GNU/Linux планетариум