Kanotix

Kanotix Linux - последна официјална верзија

Kanotix Linux е систем кој е релативно млад во споредба со другите системи. Инициран и првично развиван е од младиот германец Jörg Schirottke (на irc.freenode.org познат како Kano), кој ги увиде недостатоците на Knoppix Linux по што пројави желба да го направи подобар. На крајот излезе сосема нов систем, базиран на Debian кој се вика Kanotix Linux.

Kanotix ја користи работната околина KDE, а дополнително со Apt-get може да се инсталираат и другите работни околини како GNOME или Xfce. На дискот може да се инсталира со софтверска апликација за инсталирање и процесот на инсталација, во зависност од моќта на платформата, трае околу 30мин.

Разлики со Knoppix

1. Knoppix не препорачува инсталирање на тврд диск; Kanotix тоа потполно го поддржува
2. Knoppix може да се оштети при понатамошно надоградување или ажурирање со Apt-get; Кај Kanotix тоа е лесен и препорачлив процес (секојдневно има многу пакети за ажурирање)
3. Kanotix има подобрен систем за препознавање на хардвер
4. Kanotix има многу генерички скрипти за одредени задачи (пр. инсталација на драјвери за графичка картица).

Потребно за инсталација

Потребна ви е ISO слика која ќе ја изрежете на ЦД. Симнете ја од овде. Режете ја на разумна брзина, со цел да не се појават грешки при активирањето на системот или инсталацијата на истиот.

Kanotix е дистрибуција која може да се активира од ЦД (Жива/Live дистрибуција), или да се инсталира (ова подразбира прво активирање од ЦД). За да го натерате компјутерот системот да го активира од ЦД Уредот, подесете го BIOS-от да првичен уред каде BIOS-от ќе бара систем е ЦД уредот кој ќе го користите за инсталација (ако не знаете како, консултирајте се со сервисерите од каде што сте го набавиле компјутерот).

Повразано: Инсталација и конфигурирање на Kanotix Linux

Врски

Kanotix Linux

Kanotix Wiki