Jabber
Jabber е отворен, XML базиран протокол за инстант разговори во речиси-реално-време и постоечка листа со информации, наречена листа на пријатели. Јадрото на протоколот е градено такашто да биде со можности за проширување и други можности како „глас преку IP“ и пренос на датотеки, можност што беше додадена подоцна.
За разлика од повеќето протоколи за размена на инстант пораки, Jabber е базиран на отворени стандарди и спецификациите за него се јавно достапни. Исто како и е-поштата, тој е отворен систем каде секој кој има домен и соодветна Интернет врска може да дигне свој Jabber сервер и да разговара со корисници на други сервери. Најчестите клиенти кои го имплементираат овој протокол се слободни. Такви апликации се наоѓаат насекаде по мрежата. Едни од најпознатите се Kopete, Pidgin (порано Gaim), како и Psi.