Netscape

Од Сподели wiki
Прејди на: содржини, барај
Логото на Netscape

Netscape Communications Corporation (позната како Netscape) е Американска компанија за компјутерски услуги, најпозната по нивниот веб прелистувач. Прелистувачот некогаш беше доминантен во однос на тоа колку се користи, но ја изгуби битката со Internet Explorer уште по првата „војна на прелистувачите“. До крајот на 2006г. користењето на Netscape прелистувачот падна од 85% до средината на 90тите, до 1%.

Netscape беше купен од AOL во 1998г. Брендот сеуште се користи екстензивно од AOL како и некои други услуги од Netscape брендовите.

Компанијата е основана како Mosaic Communications Corporation на 4 април 1994. од Mark Andreessen и Jim Clark, и беше првата компанија која се обиде да придобие капитал од растечката www Мрежа. Првиот прелистувач го издаде во 1994г. и носеше име Mosaic Netscape 0.9. Овој прелистувач го промени своето име во Netscape Navigator и компанијата се прекрсти во Netscape на 14 ноември 1994г. со цел избегнување на проблеми за трговските ознаки со NCSA.

Отворање на кодот

Јануари 1998г. беше годината кога Netscape започна да го отвора кодот на нивниот прелистувач по Mozilla проектот. Знаејќи дека Internet Explorer стана доминантен веб прелистувач на пазарот, Netscape јавно го објави изворниот код на Netscape Communicator 4.0 со надеж дека ќе стане популарен проект кој ќе е слободен софтвер. Тој код го стави под лиценцата Netscape Public License (NPL), слична на Општата јавна лиценца но дозволуваше Netscape да продолжи да објавува неслободни делови кои ќе бидат јавно достапни во издадениот код. Сепак, после издавањето на кодот, Netscape продолжи да работи на Communicator 4.5 кој беше фокусиран на подобрување на клиентот за е-пошта и ентерпрајз функционалноста.

Стана сосем јасно дека прелистувачот Netscape Communicator 4.0 е тешко да се развие и развојот на изворниот код запре тука. Наместо да се продолжи со работа на следната генерација прелистувач, се направи сосем нов прелистувач. Тој ги донесе на свет ново-изградениот енџин Gecko. Овој прелистувач имаше многу помодуларна архитектура од Communicator 4.0 и поради тоа беше полесно да се развие со голем број на програмери. Исто така беше вклучен и XML јазик за кориснички интерфејс наречен XUL кој овозможува единствено изработување на апликации за прелистувачот, без разлика дали работи под Windows, OS X или GNU/Linux.

Министерството за правда на САД поднесе пријава против монополот на Microsoft во Мај 1998г. Netscape не беше повлијаен од овој случај, иако вработените во компанијата допринесоа со материјали во прилог на случајот, вклучувајќи целосна содржина за „лошиот став“ од не-јавен форум за дискусија.

Во Октомври 1997г. Netscape го купи сајтот NewHoo за сума од 1 милион долари и му го смена името во Open Directory Project, каде што ја објави својата база со податоци под лиценцата за отворени содржини