X.org фондација

X.org фондацијата е организација која се грижи за развојот на X системот за прозорци. Оформена е на 22 јануари, 2004г.

Модерната X.org фондација започна да постои кога телото кое ги надгледуваше стандардите за X и издаваше референтна имплементација се припои со некои од поранешните развивачи на XFree86. Создавањето на оваа фондација означи радикални промени во одржувањето на X. Додека раководството на оригиналната фондација од 1988г. беше составено од повеќе други организаци, раководството на новата X.org фондација е составено од развивачи на софтвер и ја користи моќта на заедницата како модел за развој на софтвер, кој се потпира на труд од надвор (се мисли од страна на трети лица). Членувањето е слободно за секој, додека корпоративното членување е во форма на спонзорства.

Фондацијата е со седиште во Делавер, САД, и е непрофитна организација со статус на научна добротворна организација. Од декември 2006г., на чело на Бордот на директори застануваат Stuart Anderson (од групата за слободни стандарди), Egbert Eich (од SuSE/Novell), Stuart Kreitman (Sun Microsystems), Kevin Martin (Red Hat), Bart Massey (Од државниот универзитет на Портланд), Jim McQuillan (од проектот за Linux терминалот), Keith Packard (Intell) и Daniel Stone (Nokia).

X.org серверот е референтна имплементација на X, и најчесто е користен кај GNU/Linux дистрибуциите и Unix системите. Овој сервер е основна технологија врз која се потпираат и GNOME и KDE, како и постари работни околини како CDE и сл. Апликации напишани за било која од овие работни околини може да работат симултано.

Врски

Официјален сајт на X.org фондацијата