GNOME

Од Сподели wiki
Преработка од 17:29, 29 јануари 2011; направена од Admin (разговор | придонеси) (30 ревизии: initial)
(разл) ← Претходна преработка | Последна преработка (разл) | Следна преработка → (разл)
Прејди на: содржини, барај

Вовед

GNOME (GNOME или GNU Network Object Model Environment) е слободна мулти-платформска работна околина која што како стандардна графичка околина доаѓа со повеќето диструбиции на GNU/Linux.

GNOME 2.14 на македонски јазик - ([1] кликнете за поголема слика)

GNOME е проект базиран на слободен софтвер наменет за развој на комплетна, едноставна за употреба работна околина. Покрај вклучените централни компоненти за работната околина како што се системските менија, управувачот со датотеки, интернет прелистувачот и останатите алатки, GNOME е и комплетна развојна платформа која што им овозможува на програмерите да креираат нови апликации.

Повеќе од 500 програмери на софтвер од секој континент, вклучувајќи и повеќе од 100 платени програмери со дел од своето време придонесуваат за овој проект. Проектот е спонзориран од индустриските лидери: Fluendo, HP, IBM, Novell, Red Hat и Sun. GNOME е поддржан на повеќе платформи вклучувајќи го и GNU/Linux, оперативниот систем Solaris, HP-UX, Unix, BSD, и Darwin на Apple.

Работната околина GNOME ја користат милиони луѓе низ целиот свет. GNOME е стандарден дел од сите водечки GNU/Linux и Unix дистрибуции во светот, вклучувајќи ги и најпопуларните, како што се Debian, Fedora Core и SUSE Linux и е стандардна работна околина на повеќе водечки бизнис GNU/Linux дистрибуции како што се Red Hat Enterprise Linux и SUSE Linux Enterprise Server. GNOME исто така е и работната околина која што се користи во некои од најголемите GNU/Linux средини во светот вклучувајќи ги и Екстрамадура во Шпанија и Сао Паоло во Бразил. Технологијата на GNOME, за развој на своите производи ја користат и водечките независни производители на софтвер за GNU/Linux. Можеме да ги спомнеме Firefox, проектот Eclipse, проектот Mono, RealNetworks и VMware.

Врски